Miljoene in Afrika kry vir die eerste keer elektrisiteit

Saamgestel deur Ilde Roos
2 hours ago
1 min read

Meer as 50 miljoen mense in 40 Afrikalande het vir die eerste keer toegang tot elektrisiteit verkry deur ‘n gesamentlike inisiatief deur die Wêreldbank en die Afrika-ontwikkelingsbankgroep, genaamd Mission 300.

Die projek word gerugsteun deur byna $15 miljard in befondsing. Die program beoog om die aantal Afrikane sonder betroubare elektrisiteit teen 2030 te halveer.

Meer as 30 lande het Nasionale Energie-ooreenkomste aangeneem om elektrifisering te versnel.

Tanzanië het 7,5 miljoen mense en Ethiopië ‘n verdere 4,6 miljoen verbind sedert die inisiatief in 2024 begin het.