Milton se verwoesting stuit nie die Trump-Biden afknouery nie

Milton se verwoesting stuit nie die Trump-Biden afknouery nie Minstens 16 mense is oorlede nadat orkaan Milton Florida getref het, en die dodetal kan styg namate reddingswerkers die omvang van die verwoesting bepaal. Ses mense is dood in een van die 19 tornado’s wat deur die orkaan veroorsaak is, en ongeveer drie miljoen mense was gister steeds sonder krag. Talle huise en besighede is ook verwoes. President Joe Biden het weer oud-president Donald Trump gekritiseer vir die verspreiding van vals inligting oor orkaanhulp, na bewerings dat FEMA, slagoffers van orkaan Helene in Noord-Carolina in die steek gelaat het.