MK-party: 'Phala Phala moet besoek word'

Die MK-party is van mening dat dit nodig is om president Cyril Ramaphosa se Phala Phala-plaas in Limpopo te besoek as deel van die Parlement se afsettingskomitee-ondersoek.

EWN berig die voorsitter van die komitee, Makashule Gana, sê dit is nog te vroeg om te sê of LP's beslis die wildsplaas sal besoek, maar hy sluit dié moontlikheid nie uit nie.

Die komitee word tans deur 'n hofbevel verbied om enige openbare verhore in dié ondersoek te hou, terwyl nog 'n hofstryd in die Konstitusionele Hof op hande is oor 'n appèl teen daardie bevel.

Die diefstal van buitelandse valuta uit 'n rusbank op Ramaphosa se plaas het daartoe gelei dat die president nou 'n staat van beskuldiging in die gesig staar nadat sy hoof van beskerming, generaal-majoor Wally Rhoode, en ander glo in die geheim die verdagtes agterna gesit het.

FOTO: EWN