Mooi liggies by troues word verbied

Bangladesj het streng nuwe maatreëls ingestel om brandstof te bespaar te midde van stygende wêreldpryse en onseker voorsieningslyne.

Volgens IOL sal kantore, banke en winkels nou vroeër sluit, terwyl dekoratiewe beligting by troues en winkels verbied is.

Die land voer sowat 95% van sy olie- en gasbehoeftes in, hoofsaaklik uit die Midde-Ooste, en sê die huidige situasie plaas groot druk op energievoorsiening.

Ongeveer 60% van Bangladesj se elektrisiteit word uit ingevoerde gas opgewek.

Owerhede hoop die maatreëls sal brandstofverbruik met minstens 30% verminder.

Die regering het ook departemente aangesê om besteding te beperk, insluitend die aankoop van voertuie, toerusting en reis.

Polisie is ook ontplooi om vulstasies te monitor ná ’n toename in aanvraag.

Verdere stappe, soos moontlike aanpassings aan skoolroosters, word ook oorweeg.

Ter illustrasie. FOTO: Wix