Moord word ondersoek ná 'n skietery in Botshabelo

Polisie in Botshabelo ondersoek ’n saak van moord en twee sake van poging tot moord nadat twee onbekende verdagtes glo op klante buite ’n plaaslike taverne in Botshabelo losgebrand het.

Volgens 'n polisieverklaring het twee onbekende mans, wat hul gesigte met balaklawas bedek het, na bewering op klante buite ’n plaaslike taverne geskiet. Een slagoffer is dood nadat hy in die kop geskiet is, terwyl twee ander in die hospitaal herstel nadat hulle in die maag en bors geskiet is.

Die polisie ondersoek die motief vir die skietery en niemand is in hierdie stadium nog in hegtenis geneem nie.

Die polisie het twee patroondoppies op die toneel gevind wat vir verdere ontleding na die Forensiese Wetenskaplaboratorium gestuur sal word.

Ter illustrasie. FOTO: Pexels