Motoriste word gewaarsku oor slegte weerstoestande
- Saamgestel deur Nadia Pieters
- Jun 3
- 1 min read
Die Padverkeersbestuurskorporasie doen 'n beroep op motoriste om versigtig te bestuur terwyl erge weerstoestande verskeie dele van die land raak.
Die Suid-Afrikaanse Weerdiens waarsku teen swaar reën, sterk winde, swak sigbaarheid, ysige toestande en plaaslike oorstromings.
Die Padverkeersbestuurskorporasie se Simon Zwane sê nat en gladde paaie verhoog die risiko van ongelukke aansienlik, veral gedurende spitstye.
Motoriste word aangeraai om hul spoed aan te pas, veilige volgafstande te handhaaf en ekstra versigtig te wees in gebiede waar sigbaarheid beperk is.
Nooddienste en padverkeersowerhede sê hulle monitor die situasie noukeurig.
Comments