MOTORSPORT: Sergio Perez hou F1-opsies oop vir moontlike terugkeer na renbaan

Die 35-jarige Mexikaanse renjaer Sergio Perez het onthul dat verskeie spanne hom genader het oor ʼn moontlike terugkeer na Formule 1. Perez wat ses Grand Prix-oorwinnings op sy kerfstok het sê hy sal net oorweeg om terug te keer as die regte geleentheid hom genoeg motiveer en die span sy waarde erken. Hy het sy Red Bull-sitplek verloor ná ʼn teleurstellende seisoeneinde in 2024 waar hy agste geëindig het in die bestuurders-kampioenskap. Intussen het Liam Lawson kortstondig opgedaag en verdwyn terwyl Yuki Tsunoda nou Max Verstappen se nuwe spanmaat by Red Bull is.