Mpumalanga verdagtes martel glo inbrekers

In Mpumalanga het sewe verdagtes in die Emalahleni-landdroshof verskyn op aanklagte van moord, poging tot moord en ontvoering. Die polisie het aan Nuusflits vertel dat die verdagtes glo twee mans, wat hulle van inbraak beskuldig het, aangerand en met kookwater gebrand het. Een van die vermeende inbrekers is na 'n plaaslike taverne geneem en gemartel. Hy het oorleef nadat een van die verdagtes ingegryp het en die marteling probeer stop het. Die tweede slagoffer is op soortgelyke wyse aangeval en het aan sy beserings beswyk. Een slagoffer is oorlede, terwyl die ander steeds in die hospitaal is. Die polisie het die verdagtes gearresteer en meer inhegtenisnemings kan volg. Die saak is uitgestel vir verdere ondersoek, en al die verdagtes bly in aanhouding.