Munisipaliteite word vir die sake-ineenstorting in die Vrystaat blameer

Die minister van landbou, John Steenhuisen, sê die Matjhabeng Plaaslike Munisipaliteit se versuim om basiese dienste te lewer, belemmer ekonomiese groei. SABC News berig sommige besighede in die Vrystaatse munisipaliteit staar glo weens watertekorte, kragonderbrekings en rioolstortings, onder andere probleme ineenstorting in die gesig. Steenhuisen sê hierdie probleme verhoed besighede om uit te brei en werk te skep. Sy besoek aan Welkom vorm deel van wat die DA sê sy missie is om Suid-Afrika te red en die land weer op die pad van groei te plaas. Die minister voeg by dat dieselfde storie in baie munisipaliteite regoor die land herhaal word, en sê dat munisipaliteite die enjinkamer vir groei in 'n ekonomie is.