Musk bedank as Trump-adviseur

Elon Musk het amptelik uitgetree as Donald Trump se adviseur ná ’n reeks omstrede oomblikke in die Withuis. As hoof van die Departement van Regeringsdoeltreffendheid (DOGE) het hy drastiese begrotingsbesnoeiings ingestel en selfs ’n kettingsaag op ’n verhoog vertoon om sy benadering te illustreer. Volgens IOL het sy deelname aan ’n Duitse regse party se byeenkoms en ’n omstrede saluut tydens Trump se inhuldiging internasionale kritiek ontlok. Musk het ook sy jong seun, X, na die Oval Office gebring, wat opslae gemaak het. Sy kritiek op Trump se massiewe begrotingswet het uiteindelik tot sy bedanking gelei. Musk sê sy pogings om die federale burokrasie te hervorm, het groter uitdagings ingehou as wat hy verwag het.