'n Afgetrede Bloem-atleet het duisende kilometers kaf gedraf

Saamgestel deur Ilde Roos
Jan 1
1 min read

’n Bloemfonteinse atleet wat binnekort 72 jaar oud word, het op Oujaarsdag ’n besonderse persoonlike mylpaal behaal toe hy sy 4 000ste kilometer vir die jaar voltooi het.

Netwerk24 berig Danie Moore sê hy het reeds in 2024 die doelwit gestel om 4 000 km in ’n kalenderjaar te draf, maar moes toe met 3 680 km tevrede wees nadat hy ’n katarakoperasie ondergaan het.

Teen Desember 2025 het hy nog sowat 500 km kortgekom om sy doelwit te bereik. Moore skerts hy is afgetree, so hy het baie tyd gehad om die laaste bietjie in te haal.

Sy plan is om die nuwe jaar af te skop deur op nuwejaarsdag vir die pret saam met sy drafklub, The Running Edge, 20,26 km te gaan draf.