’n Bejaarde is vir winkelrooftogte in die Vrystaat gevonnis
- Saamgestel deur Nadia Pieters
- Mar 23
- 1 min read
Die bejaarde meesterbrein agter ’n reeks gewapende rooftogte by klerewinkels in die Vrystaat is tot 25 jaar tronkstraf gevonnis.
Volgens polisiewoordvoerder, sersant Mahlomola Kareli, het die 70-jarige Taole Tlatsa tussen 2019 en 2022 ’n sindikaat gelei wat 13 winkels geteiken het.
Die groep het as gewone klante voorgekom voordat hulle personeel en klante met vuurwapens oorrompel het. Slagoffers is met kabelbinders vasgemaak en in stoorkamers aangehou terwyl kontant, selfone en voorraad gesteel is.
’n Ondersoek deur die provinsiale eenheid vir georganiseerde misdaad het agt verdagtes ontmasker, met Tlatsa as die organiseerder. Hy het skuld erken, maar die hof sê dit was weens oorweldigende bewyse.
Hy is tot ’n effektiewe 25 jaar tronkstraf gevonnis, terwyl die ander beskuldigdes se sake voortduur.
Comments