‘n Beplande kragonderbreking kan groot dele van Bloemfontein raak

'n Beplande kragonderbreking kan groot dele van Bloemfontein vir tot 11 uur sonder elektrisiteit laat.

Volgens inligting wat deur Bloemfontein se kragverskaffer, Centlec, gedeel is, sal die onderbreking dié naweek, op 5 Julie, tussen 07:00 en 18:00 plaasvind, of indien nodig, volgende naweek op 12 Julie gedurende dieselfde tye.

Woonbuurte wat geraak kan word, sluit onder meer Bayswater, Dan Pienaar, Heuwelsig, Pentagon Park, Arboretum, Naval Hill en dele van Waverley en Westdene in.

Die kragonderbreking is nodig sodat instandhoudingswerk aan substasies en transformators gedoen en beskermingstoerusting op die netwerk opgegradeer kan word.

Centlec waarsku dat die kragtoevoer enige tyd gedurende die onderbreking herstel kan word en inwoners moet alle installasies as lewendig en gevaarlik beskou.

Ter illustrasie. FOTO: Pexels