‘n Bloem-familie wag steeds op geregtigheid ná ‘n pitbull-aanval
- Saamgestel deur Nadia Pieters
- Apr 22
- 1 min read
Die familie van ’n agtjarige seun van Bloemfontein wat in ’n pitbull-aanval oorlede is, sê hulle leef steeds met die emosionele en finansiële nagevolge van sy dood.
Volgens SABC News het dit na vore gekom tydens slagoffer-impakverklarings in die Bloemfontein streekhof.
Olebogeng Mosime is in November 2022 dood nadat hy deur ’n hond aangeval is.
Die eienaar van die hond, Keabetswe Moroane, is skuldig bevind aan strafbare manslag nadat die hof bevind het sy het nie die dier behoorlik beveilig nie.
Haar vonnisoplegging is nou uitgestel tot 10 Junie vir verdere verrigtinge.
Die familie sê die hofproses is lank en pynlik, en hulle hoop op afsluiting sodat die kind uiteindelik in vrede kan rus.
Comments