‘n Bloemfontein-inbreker is wéér gevonnis

Saamgestel deur Nadia Pieters
3 hours ago
1 min read

’n Man is in die Streekhof in Bloemfontein tot agt jaar direkte tronkstraf vir huisbraak en diefstal by die kantoor van die Direkteur van Openbare Vervolgings gevonnis.

Volgens The Citizen het Dino Kekana in 2023 by die kantoor ingebreek en onder meer skootrekenaars, geheuestokkies en kontant gesteel.

Die waarde van gesteelde items en skade is op sowat R100 000 beraam.

Forensiese bewyse, insluitend DNA en vingerafdrukke, het hom later met die misdaad verbind.

Ondersoekers sê Kekana word ook met verskeie ander huisbrake in Bloemfontein verbind en was reeds besig om ’n tronkstraf vir ’n ander saak uit te dien.

Tydens sy pleidooi het die beskuldigde erken dat hy skuldig is aan huisbraak en diefstal, maar het geweier om bekend te maak wat hy met die gesteelde items gedoen het.