‘n Bloemfonteiner met ‘n groot hart is oorlede
- Saamgestel deur Nadia Pieters
- Oct 3
- 1 min read
‘n Bloemfonteiner met groot hart vir sy medemens, die 53-jarige David Garrett, is in die Pelonomi-hospitaal in Bloemfontein oorlede.
Bloemnuus berig Garret, wat sedert die opening van Pick n Pay Reizis Square die assistent-bestuurder is, het diep spore in die gemeenskap getrap.
Een van sy kollegas, Dawie van Zyl, sê Garret het verlede week sleg begin voel en hy het hom twee keer na Nasionaal-hospitaal geneem.
Sy toestand het verder verswak en hy is in die Pelonomi-hospitaal opgeneem waar hy behandeling ontvang het en geopereer is.
Hy is Woensdag vermoedelik aan ‘n bloeiende maagseer oorlede.
Comments