‘n Bloemfonteiner verwerf skaak se hoogste internasionale titel
'n Bloemfonteinse skaakkenner het die tweede vrou in Suid-Afrika geword om die gesogte titel van FIDE Internasionale Arbiter te verwerf. Dit is die hoogste kwalifikasie wat die Internasionale Skaakfederasie aan arbiters toeken.
My City Bloemfontein berig Anjurie De Wet het in 2012 Smart Chess in Bloemfontein gestig, wat talle jong spelers help om tot op provinsiale en nasionale vlak te vorder. De Wet lei ook afrigters, onderwysers en arbiters op.
Sy is die Vrystaat Skaakfederasie se provinsiale hoofafrigter, dien op die Vrystaat Skaak se uitvoerende komitee en Skaak Suid-Afrika se komitee vir persone met gestremdhede. Sy beskik ook oor die FIDE-kwalifikasie as nasionale instrukteur.
De Wet help ook met die organisering van die Mzansi Jeugskaakkampioenskap by die Universiteit van die Vrystaat van 13 tot 19 Desember.
Comments