'n Bloemfonteinse man is vas vir dwelmhandel

'n Man is in die Bloemfonteinse middestad in hegtenis geneem nadat 'n groot hoeveelheid van verskeie onwettige dwelms in sy besit gevind is.

Die dwelms het 'n geskatte straatwaarde van ongeveer R200 000. Die polisie het ook op 'n groot bedrag kontant beslag gelê, wat vermoedelik die opbrengs van die onwettige dwelmhandel is.

Polisiewoordvoerder, sersant Mahlomola Kareli, sê in 'n verklaring die man sal binnekort in die Bloemfonteinse landdroshof op aanklag van dwelmhandel verskyn.

FOTO: Verskaf