'n Botshabelo-man gebruik sosiale media om vroue te lok en dan verkrag

Saamgestel deur Ilde Roos
8 hours ago
1 min read

Die Botshabelo-streekhof in die Vrystaat het ‘n man tot twee lewenslange vonnisse en ‘n bykomende 18 jaar tronkstraf gevonnis vir verkragting en roof.

Sibusiso Mbuli het gedurende Julie en September 2023 sosiale media gebruik om vroue met vals werkaanbiedinge te lok voordat hy hulle in Botshabelo beroof en verkrag het.

Beamptes het hom in Oktober 2023 opgespoor en in hegtenis geneem. Een slagoffer het hom positief geïdentifiseer, terwyl DNS-bewyse hom aan beide verkragtingsake gekoppel het.

Die hof het hom tot twee lewenslange vonnisse vir verkragting, 15 jaar vir roof met verswarende omstandighede en drie jaar vir roof gevonnis.