‘n Brand by die DESTEA-hoofkantoor is suksesvol geblus

Die brand op die tweede verdieping van die DESTEA-hoofkantoor in St Andrewstraat, Bloemfontein, is suksesvol deur die Mangaung Metro-brand- en reddingsdienste geblus. Volgens ‘n woordvoerder van die Vrystaatse Departement van Ekonomiese Ontwikkeling en Toerisme is die oorsaak van die brand nog onbekend. Hulle voeg in ‘n mediaverklaring by dat niemand beseer is nie en dat die res van die gebou onaangeraak is. Gebaseer op die rookskade, is werknemers in kennis gestel om tot verdere kennisgewing van die huis af te werk. Alhoewel geringe ontwrigtings kan voorkom, sal planne geïmplementeer word om te verseker dat dienslewering met minimale onderbreking voortduur.