‘n Britse drievoudige moordverdagte sal eers in SA verhoor word
- Saamgestel deur Nadia Pieters
- Jul 14
- 1 min read
‘n Britse voortvlugtige en drievoudige moordverdagte, Ndodana Tshuma, sal eers in Suid-Afrika verhoor word op ‘n aanklag van die besit van ‘n ongelisensieerde vuurwapen voordat hy aan die Verenigde Koninkryk uitgelewer kan word.
Tshuma het Maandag in die Johannesburg-landdroshof verskyn.
Hy is Vrydag in Kensington in hegtenis geneem tydens ‘n gesamentlike Interpol-operasie.
Tshuma word in die Verenigde Koninkryk gesoek vir die beweerde moord op sy vrou, Nothabo Tshuma, en haar twee dogters in Bedfordshire voordat hy na Suid-Afrika gevlug het.
Die saak is tot 22 Julie uitgestel vir regsraadpleging en om sy immigrasiestatus te verifieer.
Die nasionale polisiewoordvoerder, Athlenda Mathe, sê hy moet enige Suid-Afrikaanse vonnis uitdien voor uitlewering.
Comments