‘n Duitse politikus is onder skoot oor surrogaatskap

Saamgestel deur Nadia Pieters
Jul 19
1 min read

Die Duitse politikus Jens Spahn is onder skoot nadat hy en sy man aangekondig het dat hulle 'n baba deur 'n surrogaatmoeder in die Verenigde State verwelkom het.

Surrogaatskap is onwettig in Duitsland – 'n beleid wat deur Spahn se Christen-Demokratiese party ondersteun word en wat hy ook voorheen gesteun het.

Kritici, onder wie lede van sy eie party, beskuldig hom van skynheiligheid en meen politici behoort die standaarde wat hulle bevorder, self na te kom.

Spahn en sy man het vandeesweek die geboorte van hul seun, Georg, aangekondig.

Duitse wetgewing verbied surrogaatskap, maar verbied nie Duitse ouers om kinders groot te maak wat deur surrogaatskap in die buiteland gebore is nie.