‘n Gebore Oraniër is nou ‘n staatsaanklaer in Bloem
- Saamgestel deur Nadia Pieters
- Mar 24
- 1 min read
’n Jong vrou wat in Orania grootgeword het, het ’n groot mylpaal bereik met haar aanstelling as aspirant staatsaanklaer in Bloemfontein.
Volgens inligting wat op sosiale media gedeel is, is Elisma Boshoff een van slegs 100 kandidate wat landswyd uit duisende aansoeke gekies is vir die Nasionale Vervolgingsgesag se opleidingsprogram.
Sy sê haar belangstelling in strafreg spruit uit ’n passie vir geregtigheid en die rol wat dit in die samelewing speel.
Boshoff meen ook haar grootwordjare in Orania het haar geleer van selfstandigheid en verantwoordelikheid, wat haar vandag in haar loopbaan dryf.
Volgens Orania se plasing word haar prestasie as ’n inspirasie vir ander jongmense beskou wat ’n verskil wil maak.
Comments