‘n Geskrapte advokaat verskyn vir beweerde eiendomsbedrog in die hof
- Saamgestel deur Nadia Pieters
- Feb 24
- 1 min read
’n Geskrapte advokaat wat na bewering byna R890 000 van voornemende huiskopers bekom het, het in die Bloemfontein-landdroshof verskyn.
Lerata Mashee staan op aanklagte van bedrog, geldwassery en die oortreding van die Wet op Regspraktyk tereg.
Daar word aangevoer dat slagoffers tussen 2019 en 2022 bedrae in sy bankrekeninge gedeponeer het nadat eiendomme in ’n plaaslike koerant geadverteer is, en hy as oordragbesorger opgetree het.
Slagoffers het agterdogtig geraak toe tyd verloop het sonder dat hulle in hul nuwe huise ingetrek het, waarna die saak by die Regspraktykraad en die Valke aangemeld is.
Die saak is tot 2 Maart vir ’n borgtogaansoek uitgestel.
Comments