‘n Inhoudskepper is van dieremishandeling aangekla
- Saamgestel deur Nadia Pieters
- Jul 30
- 1 min read
'n Inhoudskepper op sosiale media is van dieremishandeling aangekla nadat 'n video versprei is waarin die persoon glo 'n rot lewendig aan die brand steek.
Volgens inligting wat die Bloemfonteinse DBV gedeel het, is 'n ondersoek ingestel nadat die video aan die lig gekom het.
Die inhoudskepper is daarna in hegtenis geneem en van dieremishandeling aangekla.
Die DBV beklemtoon dat geen dier verdien om mishandel te word nie, ongeag die spesie, en dat dieremishandeling 'n kriminele oortreding is.
Hulle doen 'n beroep op mense om alle gevalle van dieremishandeling aan te meld sodat oortreders aanspreeklik gehou kan word.
Die DBV sê dieremishandeling is nooit vermaak nie en dat elke dier beskerming verdien.
Comments