'n Reguleerder sê sosialemediaplatforms doen nie genoeg om kinders van hul dienste af te hou nie

Saamgestel deur Ilde Roos
Mar 31
1 min read

Australië se internetreguleerder sê groot sosialemediaplatforms doen nie genoeg om kinders onder 16 van hul dienste af te hou nie. Dít ondanks ’n verbod wat in Desember ingestel is.

Die eSafety-kommissie het kommer uitgespreek oor Facebook, Instagram, Snapchat, TikTok en YouTube, en verwys na swak ouderdomsbeheer en onvoldoende verslagdoening.

Die wet beperk onder-16’s op 10 platforms om hulle teen skadelike inhoud te beskerm. Soveel as 4,7 miljoen rekeninge is in Januarie verwyder of beperk. Die reguleerder gaan nou nakoming afdwing, terwyl kommer bly dat baie kinders steeds toegang het.