‘n Jong man kry 20 jaar tronkstraf vir kabeldiefstal in Bloem

Saamgestel deur Nadia Pieters
Apr 14
1 min read

’n Jong man is tot 20 jaar direkte tronkstraf gevonnis vir kabeldiefstal en die beskadiging van kritieke infrastruktuur in Bloemfontein.

Die Bloemfontein-streekhof het die vonnis opgelê nadat die 21-jarige Braam Bothma by verskeie voorvalle tussen 2022 en 2025 betrek is, waar elektriese en telekommunikasiekabels gesteel is.

Die misdade het dienslewering ontwrig en gemeenskappe sowel as besighede direk geraak.

Die hof het beklemtoon dat infrastruktuurdiefstal ’n ernstige en groeiende probleem is wat groot druk op dienslewering plaas.

Bloemfontein se kragverskaffer, Centlec, sê in sulke dade ondermyn betroubare elektrisiteitsvoorsiening en plaas verdere finansiële druk op die stelsel.

Centlec sê hulle sal voortgaan om saam met wetstoepassers en gemeenskappe te werk om infrastruktuur te beskerm.