Elon Musk het Twitter-beleggers mislei

‘n Jurie het bevind dat Elon Musk misleidend was in sy openbare verklarings gedurende ‘n kritieke tydperk van sy Twitter-oorname in 2022.

Na twee dae van beraadslaging het ‘n jurie in die federale hof in San Francisco ‘n eenparige uitspraak teen die tegnologiereus gelewer, wat deur ‘n groep Twitter-beleggers gedagvaar is met die argument dat hulle op sy verklarings staatgemaak het.

Musk het aangevoer dat hy beleggers nie mislei het nie en dat mense bloot te veel in sy openbare kommentaar en twiets gelees het.

Die jurie het eerder bevind dat sekere van sy openbare bewerings van probleme in Twitter se gebruikersstatistieke, en dat hy moontlik uit die verkrygingsooreenkoms onttrek, doelbewus misleidend was.

Twitter. FOTO: Unsplash