‘n KI-aangedrewe toep help om slaggate aan te meld
- Saamgestel deur Nadia Pieters
- Jul 14
- 1 min read
‘n Vyftienjarige van Nieu-Delhi, Indië, het ‘n kunsmatige intelligensie-aangedrewe toepassing ontwikkel om inwoners te help om slaggate meer doeltreffend aan te meld.
Die toepassing laat gebruikers toe om slaggate te fotografeer, die erns daarvan te bepaal en outomaties verslae aan die betrokke owerhede te stuur.
Die toepassing is geïnspireer deur ‘n ongeluk waarby die tiener se ouers betrokke was nadat hulle ‘n slaggat getref het.
Volgens die skepper is sowat 360 slaggate tot dusver deur die platform aangemeld, met 11 wat reeds herstel is.
Verdere opgraderings, insluitend ‘n WhatsApp-kletsbot, word beplan.
Comments