‘n Kleuter is kritiek ná ‘n krokodilaanval

'n Driejarige seun is steeds in 'n kritieke maar stabiele toestand nadat hy by 'n dieretuin in Engeland deur 'n krokodil aangeval is.

Volgens internasionale berigte het die kind vroeër ernstige beserings opgedoen nadat hy in die krokodilkamp beland het.

Dieretuinpersoneel het die seun gered voordat hy per helikopter na 'n hospitaal geneem is.

'n Man is in hegtenis geneem op verdenking van poging tot moord en is later op borgtog vrygelaat.

Ondersoekers hersien intussen kringtelevisiebeeldmateriaal en ondervra getuies om vas te stel hoe die kind toegang tot die kamp verkry het.

Die krokodiluitstalling bly gesluit terwyl die ondersoek voortduur.

Ter illustrasie. FOTO: Unsplash