‘n Konsepbeleid stel groter brandstofreserwes voor

Die regering stel voor dat Suid-Afrika genoeg ruolie moet aanhou om die land vir 90 dae se netto invoere te voorsien indien daar 'n onderbreking in voorraad is.

Die Departement van Minerale en Petroleumhulpbronne het die konsepbeleid oor strategiese petroleumvoorrade vir openbare kommentaar gepubliseer.

Die voorstel bepaal ook dat vervaardigers en groothandelaars 14 dae se voorraad van verfynde brandstof moet aanhou.

Dit sluit verder drie noodvlakke vir brandstoftekorte in, met die hoogste vlak wat brandstofrantsoenering tydens 'n ernstige voorsieningskrisis moontlik maak.

Ter illustrasie. FOTO: MyBroadband