'n Ladybrand-man sit lewenslank vir verkragting van sy niggie

Saamgestel deur Ilde Roos
Mar 2
1 min read

'n Man van Ladybrand is tot lewenslange tronkstraf in die Bloemfonteinse streekshof gevonnis nadat hy 'n minderjarige seksueel mishandel het.

Polisiewoordvoerder, adjudant-offissier Mmako Mophiring, sê in 'n verklaring die nege-jarige slagoffer het in Augustus 2023 tydens 'n Lewensoriënteringklas by die skool geleer van seksuele mishandeling. Sy het toe haar ma en 'n maatjie vertel dat haar neef, Willem Ludeke, dieselfde met haar doen.

Die slagoffer het getuig hoe Ludeke haar verskeie kere verkrag het sedert sy drie jaar oud is. Hy het homself ook aan 'n ander kind ontbloot.

Hy is op aanklagte van onder andere verkragting en seksuele aanranding skuldig bevind en tot lewenslange tronkstraf gevonnis.