‘n Man is gevonnis vir sy ma se verkragting in Bothaville

Saamgestel deur Jana Roos
May 8
1 min read

Die Bothaville-streekhof het ‘n 23-jarige man tot lewenslange tronkstraf gevonnis vir die verkragting van sy biologiese ma in die Vrystaat.

Die hof het gehoor dat die beskuldigde die slagoffer met ‘n mes gedreig het voordat hy haar in Desember 2024 aangerand het. Hy het later tydens die verhoor erken dat hy haar verkrag het.

Die Nasionale Vervolgingsgesag se Mojalefa Senokoatsane verwelkom die vonnis en sê dit weerspieël die erns van geslagsgebaseerde geweld en die verraad van vertroue wat betrokke is by misdade teen familielede.