'n Man sit lank vir moord by 'n Bfn stortingsterrein

'n Man is tot 20 jaar direkte tronkstraf gevonnis nadat hy 'n kollega by die Bloemfonteinse stortingsterrein vermoor het.

Die Bloemfonteinse streekhof het gehoor die slagoffer, Katleho Fesi, het saam met Lefa Petrus Maruping by die stortingsterrein gewoon en gewerk. 'n Ooggetuie het vertel hoe Maruping herhaaldelik vir Fesi in April 2025 aangeval het.

Die hof het Maruping se bewering van selfverdediging verwerp en bevind dat sy weergawe teenstrydig is en nie deur bewyse ondersteun word nie.

Die Nasionale Vervolgingsgesag verwelkom die vonnis en is vol lof vir die ondersoekbeamptes en aanklaers vir die verkryging van die skuldigbevinding ondanks uitdagings om getuies te vind.

Ter illustrasie. FOTO: WEET