'n Man word glo oor water voor sy jong seun geskiet

Saamgestel deur Ilde Roos
Feb 11
1 min read

ŉ Man van Eloff naby Delmas in Mpumalanga is tydens ŉ woordewisseling oor water tromp-op ten aanskoue van sy minderjarige seuntjie geskiet. Die vermeende skieter, Adriaan van Tonder, het na bewering ná die skietvoorval aangevoer dat Calvin Motha uitlokkend was en gevra het of hy hom gaan skiet, en dat hy hom daarna in die gesig geskiet het.

Maroela Media berig 'n polisiewoordvoerder in Mpumalanga, kolonel Jabu Ndubane, bevestig Motha en Van Tonder het in twee verskillende wonings op dieselfde hoewe gewoon, met 'n watertenk in 'n motorhuis aan Van Tonder se kant. Motha wou water gaan kry, maar Van Tonder het hom glo toegang geweier. Toe Motha glo ŉ pad na die kraan probeer oopdwing, is hy in die gesig geskiet.

Motha se vrou is sowat drie maande swanger met hul tweede kind. Sy het volgens Ndubane by haar man se liggaam probeer uitkom maar Van Tonder het glo gedreig dat hy haar ook gaan skiet.

Van Tonder het Dinsdag in die landdroshof op Delmas verskyn. Die saak is tot 17 Februarie uitgestel, en hy bly in aanhouding.