‘n Middeljarige vrou is vas vir dwelmhandel in Zastron

Saamgestel deur Ilde Roos
1 hour ago
1 min read

‘n Middeljarige vrou en twee mans is in Zastron in die Vrystaat in hegtenis geneem vir beweerde dwelmhandel.

Die drie verdagtes is vroeg Woensdag tydens Operasie Diamond in hegtenis geneem, waarby die Valke, Taktiese Reaksiespan en Misdaadintelligensie betrokke was.

Die polisie sê die verdagtes is in 2025 geïdentifiseer te midde van kommer oor die verspreiding van kristal-metamfetamien en mandrax in Zastron. Ondersoekers het verskeie skyntransaksies uitgevoer waarin die verdagtes na bewering dwelms verkoop het.

Die drie sal na verwagting binnekort in die Zastron-landdroshof verskyn.