'n Minister sê SA moet die ontwikkeling van sy eie petroleumhulpbronne versnel

Suid-Afrika moet die ontwikkeling van sy eie petroleumhulpbronne versnel. So sê die minister van minerale en petroleumhulpbronne, Gwede Mantashe, namate olie- en gaspryse wissel en konflik in die Midde-Ooste wêreldwye energiemarkte ontwrig.

News24 berig ‘n senior klimaat-advokaat, Brandon Abdinor, sê egter Suid-Afrika het geen onontginde olie- of gasreserwes wat energieveiligheid op die kort termyn wesenlik kan verbeter nie. Abdinor sê lande met maklik toeganklike fossielbrandstofreserwes kan tydens ’n krisis probeer om produksie uit te brei, maar waarsku dat dit bloot langtermyn-afhanklikheid verstewig.

Daarteenoor sê hy die dekade of langer wat dit Suid-Afrika sou neem om nuwe olie- en gasbronne te ontwikkel, voldoende tyd sou wees om ’n grootskaalse hernubare-energiestelsel te bou wat elektrisiteit kan voorsien, vervoer kan aandryf en blootstelling aan toekomstige olieskokke kan verminder.

Hernubare energietegnologieë word toenemend nie net as ’n reaksie op klimaatsverandering beskou nie, maar ook as ’n manier om prysstabiliteit en energieveiligheid tydens krisisse te handhaaf.

Die debat wat in Suid-Afrika afspeel, weerspieël ’n breër wêreldwye debat oor of geopolitieke krisisse groter ontginning van fossielbrandstowwe regverdig, of vinniger ontplooiing van hernubare energie.

Ter illustrasie. FOTO: Unsplash