'n Minster verklaar oorlog teen korrupsie in sy departement
- Saamgestel deur Ilde Roos
- Jun 11
- 1 min read
Die minister van Openbare Werke en Infrastruktuur, Dean Macpherson, het oorlog verklaar teen korrupsie binne sy departement. Hy het besonderhede verskaf van lopende ondersoeke na huurkontrakmislukkings, spookwerkers en beamptes wat bedank het eerder as om leefstyloudits te ondergaan.
Nova News berig tydens ’n mediakonferensie Woensdag het Macpherson onthul dat die departement te kampe het met ’n skade-eis van meer as R50 miljoen oor ’n R69,5 miljoen huurkontrak vir ’n gebou in Pretoria wat nooit gebruik is nie.
Rosestad-nuus se Ilde Roos verduidelik verder ondersoekers beskryf dit as 'n selfgeskepte noodgeval deur amptenare.
LUISTER HIER:
TRANSKRIPSIE:
Macpherson sê die staat kan nie voortgaan om ’n stelsel te duld waar swak beplanning, vertragings of interne obstruksie ’n noodgeval skep nie, en daardie noodgeval dan gebruik word om besluite te regverdig wat die publiek aan finansiële en regsrisko blootstel nie.
Intussen sê Macpherson drie beamptes het bedank nadat hulle geweier het om vereiste dokumente vir leefstyloudits te verskaf, wat opsigself 'n storie vertel.
Hy sê beamptes wat openbare geld, huurkontrakte, kontrakte, eiendomme en infrastruktuurprojekte bestuur, moet kan rekenskap gee. Hy voeg by dit is nie ’n aanval op staatsamptenare nie, maar 'n basiese vereiste van openbare vertroue.
Comments