‘n Noodlottige busongeluk lei tot ‘n smokkelary-ondersoek
- Saamgestel deur Nadia Pieters
- Oct 17
- 1 min read
Suid-Afrikaanse owerhede ondersoek 'n moontlike geval van farmaseutiese smokkelary.
Dit nadat antiretrovirale middels en ander voorskrifmedikasie te midde van die wrak van 'n busongeluk wat die lewens van 43 mense geëis het ontdek is.
SABC News berig 'n bus wat van die Oos-Kaap af gereis het, het Sondagmiddag in Limpopo omgeslaan, wat tot die dood van Zimbabwiese en Malawiese burgers wat op pad na hul lande was gelei het.
Alhoewel owerhede ondersoek instel na die oorsaak van die ongeluk van die 61-sitplekbus, wat na bewering meer as 90 passasiers vervoer het, ondersoek hulle ook die ontdekking van medikasie wat glo sonder dokumentasie vervoer is.
Comments