‘n Nuwe Inkomstedienskommissaris is aangestel
- Saamgestel deur Nadia Pieters
- Apr 2
- 1 min read
’n Nuwe kommissaris is vir die Suid-Afrikaanse Inkomstediens aangestel.
Doktor Ngobani Johnstone Makhubu sal die pos vir ’n termyn van vyf jaar beklee, vanaf 1 Mei.
Die aanstelling volg op ’n eenparige aanbeveling deur ’n keuringspaneel wat deur die minister van finansies, Enoch Godongwana, byeengeroep is.
Makhubu neem oor by Edward Kieswetter, wie se kontrak aan die einde van April verstryk.
Die president se woordvoerder, Vincent Magwenya, sê die inkomende kommissaris is ‘n ervare uitvoerende beampte in die openbare en private sektor met meer as 17 jaar se senior leierskapservaring.
Comments