‘n Nyala-ooi is weer veilig tuis op Naval Hill

'n Nyala-ooi wat blykbaar groener weivelde buite die Franklin Natuurreservaat gaan soek het, is weer veilig terug in haar tuiste op Naval Hill.

Volgens Friends of Franklin en die Mangaung-metro is die dier in Milnerweg gevang en daarna terug in die reservaat vrygelaat.

Inwoners wat naby Naval Hill woonw ord versoek om reservaathekke toe te hou en beskadigde heinings aan te meld om te help voorkom dat wild ontsnap.

Die organisasies sê ekstra waaksaamheid is gedurende die wintermaande nodig aangesien diere dikwels deur plante in tuine gelok word.

Ter illustrasie. FOTO: Friends of Franklin