‘n Pasiënt het vanaf ‘n balkon na haar dood geval

'n Vrou van 22 het vanaf die balkon op die vyfde verdieping van die Robert Mangaliso-hospitaal in Kimberley na haar dood geval, kort nadat sy geboorte geskenk het. SABC News berig dit is steeds nie duidelik of die vrou selfmoord gepleeg het of sy gestamp is nie. Die polisie het wel bevestig hulle het 'n geregtelike doodsondersoek geopen. Die baba is tans onder die sorg van ’n hospitaal en sal binnekort met familie herenig word.