‘n Plaaslike groentetuin voed skole en bejaardes

Saamgestel deur Nadia Pieters
Jul 1
1 min read

'n Gemeenskapsgroentetuin in Thaba Nchu voorsien nou elke maand honderde bossies spinasie aan plaaslike skole se voedingskemas en aan bejaardes in die gemeenskap.

Volgens inligting wat deur AfriForum gedeel is, lewer die Ikageng-tuin maandeliks 400 bossies spinasie aan twee skole, bejaardes en gestremdes.

Die projek is ses jaar gelede begin en word deur gemeenskapslede bestuur.

Deelnemers het ook 'n formele opleidingsprogram voltooi wat deur die Sentrale Universiteit vir Tegnologie, die Universiteit van die Vrystaat en die Global University of Lifelong Learning aangebied is.

Die program fokus op praktiese vaardighede om gemeenskapslede te help om volhoubare landbou- en sakegeleenthede te ontwikkel.