‘n Plaaslike petroljoggie maak naam met kletsrym
- Saamgestel deur Nadia Pieters
- 3 hours ago
- 1 min read
’n Petroljoggie van Bloemfontein het onlangs nasionale erkenning ontvang vir sy kletsrymtalent.
Luidens ‘n berig van Bloemnuus het die 23-jarige Kabello Olifant, wat by Shell Unitas Motors in Universitas werk, ‘n tweede plek behaal in die Motor Industry Staff Association se MISA’s Got Talent-kompetisie.
Volgens MISA se uitvoerende hoof, Martlé Keyter, is lede regoor die motorbedryf genooi om hul talente te deel.
Olifant, wat onder die verhoognaam NBA Junior Kantrâll optree, sê hy droom daarvan om eendag internasionaal op te tree.
Hy het reeds by geleenthede soos Macufe opgetree en hoop om in die toekoms by groot kunstefeeste op die verhoog te verskyn.
Comments