‘n Plaaslike polisiekantoor is al twee maande sonder krag
Die Boithuso-polisiekantoor in Botshabelo is al twee maande sonder elektrisiteit nadat kabeldiefstal skade aan ondergrondse infrastruktuur veroorsaak het.
Sunday World berig dat die kragonderbreking polisiewerk ernstig belemmer, insluitend die indiening van klagtes, die ondertekening van beëdigde verklarings en die insameling van data.
Die kwessie is deur die African Alliance of Social Democrats onder die aandag van verskeie provinsiale rolspelers gebring.
Die party waarsku dat die situasie pogings om misdaad, bendegeweld en geslagsgebaseerde geweld in Botshabelo te bekamp, kan benadeel.
Volgens die Vrystaatse polisie is die Departement van Openbare Werke en Infrastruktuur oor die probleem ingelig en dat kwotasies vir herstelwerk reeds aangevra is.
Die sluitingsdatum vir dié proses is op 3 Julie vasgestel.
Comments