‘n Polisie-veldtog in Bfn verhoog bewustheid oor geslagsgebaseerde geweld

Lede van die Suid-Afrikaanse Polisiediens in die Mangaung Metro-distrik het ’n bewustheidsveldtog oor geslagsgebaseerde geweld by Hoffmanplein in Bloemfontein as deel van Vrouemaand gehou.

Die veldtog het gefokus op die opvoeding van die gemeenskap oor geslagsgebaseerde geweld en vrouemoord, en die aanmoediging van mense om misbruik aan te meld. Beamptes het inligting oor huishoudelike geweld, boelies, seksuele teistering en dwelmmisbruik versprei, terwyl inwoners die geleentheid gekry het om direk met die polisie te skakel.

Die polisie het vroue, jong meisies en gemeenskappe aangespoor om waarskuwingstekens van misbruik te herken, hul stem te laat hoor en hulp te soek.

Ter illustrasie. FOTO: SABC News