'n Predikant is vas vir dronk bestuur op pad na 'n doop

Saamgestel deur Ilde Roos
Jul 20
1 min read

'n Predikant is in St. Lucia in KwaZulu-Natal tydens 'n naweek-padveiligheidsoperasie in hegtenis geneem omdat hy na bewering onder die invloed van alkohol bestuur het.

Volgens IOL sê KwaZulu-Natal se LUR vir Vervoer en Menslike Nedersettings, Siboniso Duma, die predikant was op pad na 'n reinigings- en doopseremonie. Padveiligheidsbeamptes het agterdogtig geraak nadat hulle 'n sterk reuk van alkohol uit die voertuig opgemerk het.

Duma sê nadat die predikant van die uitslag van die asemtoets ingelig is, het hy daarop gereageer deur 1 Johannes 1:9 uit die Bybel aan te haal, wat handel oor die vergifnis van sondes indien dit bely word.