’n Reeks-oortreder kry 20 jaar tronkstraf

Saamgestel deur Nadia Pieters
1 day ago
1 min read

’n 60-jarige man wat met verskeie huisbraak- en diefstalsake verbind is, is tot ’n gekombineerde 20 jaar tronkstraf gevonnis.

Volgens Vrystaatse polisiewoordvoerder sersant Mahlomola Kareli het forensiese ondersoeke ook aan die lig gebring dat George Maxwell Dundee se saakdossier tot 1980 terugstrek.

Dundee is verbind met verskeie sake in onder meer Bloemfontein, Kimberley en Galeshewe. Hy is onder meer skuldig bevind aan huisbraak en diefstal nadat vingerafdruk- en DNS-bewyse hom aan misdaadtonele verbind het.

Die polisie sê speurders het Dundee ook deur DNS- en vingerafdrukbewyse aan meer as 20 ander oop sake verbind. Dit sluit onder meer huisbraak, diefstal, die besit van gesteelde goedere, verydeling van die gereg en poging tot moord in.

Ondersoeke na die oorblywende forensiese skakels voortduur.