'n SA TikTokker koop 'n nuwe foon met geld uit plastiekbottels

Saamgestel deur Ilde Roos
Mar 30
1 min read

'n Pretoriase inhoudskepper het vir 13 maande kontant in twee-liter-plastiekkoeldrankbottels gespaar en vir haarself ’n splinternuwe iPhone 17 kontant gekoop. Die foon kos ongeveer R19 000.

Briefly berig die TikTokker, net bekend as Mbhoni, sê dat sy ná ses maande wou opgee, maar deurgedruk het omdat sy geweet het sy is haar eie en enigste bron van finansiering.

Sy sê sy neem inhoudskepping baie ernstig op, en wil deur handelsmerke raakgesien word. Die enigste manier was om haar foon op te gradeer sodat sy beter inhoud kan maak.

Sy voeg by toe sy begin spaar het, het sy dit ten doel gehad om ’n iPhone 17 te koop, en niks anders nie. Haar strategie was so doeltreffend dat sy selfs R800 oor gehad het.

Mbhone sit reeds weer geld in ’n nuwe bottel vir haar volgende groot doelwit.