‘n Spesiale skool in die metro se dakke waai af

Saamgestel deur Nadia Pieters
Nov 25
1 min read

‘n Spesiale skool in die Mangaung Metro Munisipaliteit, wat voorsiening maak vir 384 leerders met ernstige intellektuele gestremdhede, insluitend 44 outistiese leerders, het aansienlike skade gely.

Luidens ‘n mediaverklaring van die Vrystaatse onderwysdepartement is die Boitumelong Spesiale Skool in Thaba Nchu, erg geraak toe ‘n storm agt klaskamers se dakke afgewaai het.

Sinkpate is oor die perseel en aangrensende gebiede versprei.

‘n Onderwyser is beseer toe ‘n plafon geval het, en outistiese leerders is getraumatiseerd.

Geen leerders is gelukkig beseer nie.